(( السر ف بير ؟ ))
ومن نفسى
أبوح بإللى ف نفسى
يوم ترضى
وكتير تقسى
مغروره
وعملاها ملاهي
رقاصه
وفينا بتلاهي
تلملمينا
وبالدور تاخدينا
بإستعباط
فينا إللى إتكتف
بالإحباط
والحبل اليأس
عليه داير
والحلم إتلخبط
ف الخلاط
وإللي زرعتيه
ف جبل باير
وإللي ف الرحايا
مطحون
وإللي ف الساقيه
بيدور
وإللي مهروس
ف الطاحون
وإللي عايش
من سنين مدفون
ف الشجون
جهل مرسوم
ع الوشوش
والمرض زاد
الرتوش
والجمل بلا قيد
ومش قادر يقوم
كهربتي الميه
بسنين عجاف
من الوادي
لارض الجفاف
وشربت كأس الصبر
من بعد قلبي
ماخاف
**********
وبقيتي سخيفه
قلابه ومخيفه
كهربتي التعريفه
والتعريفه بجنيه
والله يا بلاش
عرفينا يا حريفه
حظ الفدان
م الميه
كام فنجان
بالبخار ياخدهم
ومنلحقش
نبل الشاش
وتحكم فينا
الأوباش
محلاها
منظومة التبوير
لو تلبس توب التطوير
خدي راحتك
والأمر يسير
خدي راحتك
والسر ف بير ؟
**********
الشاعر محمد علي فرغلي احمد
Aucun commentaire:
Enregistrer un commentaire