عزة نفس
قالوا ليش ما بتكتب أغاني
وبتعرض شعرك عافنان وفناني
شوف غيرك قصر عمّْر
غرق بالمال والعيش هاني
وأنت بعدك بزند أسمر
بتفلح بتزرع أرض عطشاني
وبيتك للفقر أكبر مطمر
وقاعد حارس عابواب دكاني
عطوني نبي الغِنا أضمر
وعيالوا عاشت بالجاه فرحاني
أو إمام جنىٰ الدنيا غمّْر
وعمّْر للفرح دار وحضاني
سمعوا مني كلام منمر
الشعر حروف جمر وللعاني
وضمير معجون بدم أحمر
ونفس أبيِّ عالعز خلقاني
أول ما عنقود شعري تحمر
غطيتوا بشرشف لهفتي وحناني
عصرتوا بجرار عقلي تخمر
بلحدو تذوقوا خليل الأولاني
عانخل الأصالي تمري تمر
مذاقوا عاللسان فيروز الأرجواني
تأسمع صوت بالروح استعمر
بزين نحور الغِنى بياقوت وجواهر
لما يخلق صوت فيروز تاني
بقلم الأديب والشاعر يوشع علي إسماعيل
Aucun commentaire:
Enregistrer un commentaire