وراحت
******
وراحت كل حاجة حلوة
وضاعت اللمة والصحبة
بقينا اغراب فى بيت واحد
بيوت ضاقت ماهش رحبة
كتير دورت ع الأحباب مابين الاصحاب مفيش رحمة
فيه ناس تعبت من الإعياء
وناس تاهت مع الزحمة
وراح الحب بين الاخوات
وقرايب بالقلوب رخمة
وراحت كل حاجة حلوة
وضاعت اللمة والصحبة
تعالوا نرجع الماضى
ونزرع فى القلوب واحة
نصون الود نتواصل
وتبقى فى النفوس راحة
ونزرع ع الوشوش بسمة
ودنيا نعيشها مرتاحة
ياناس خلوا المحبة تدوم
وعيشوا فى ود وسماحة
تحياتى
جمال على الشرقاوى
شاعر العامية
مليج منوفية
Aucun commentaire:
Enregistrer un commentaire