/ برح البراح في سوق عوة
----------------------------------/
( الحرب العالمية الثانية وعود بمنح الاستقلال للمستعمرات.!
المغرب ضحية الحرب العالمية الثانية وتونس والجزائر والسنغال وهلم جرا)
(زجل)
برح البراح في سوق عوة
شي اااسمع وأرخى لودن
*شي ودينه اثقالوا ركبتو الخلعة !
قال ليكم ديكَُول أو ردد.!
الاستقلال بين ااايديكم
الحرب شاعلة نيرانها تكوي
فرانسااااااا ليكم وانتم ليها
هيتلير........لا محبة و لا خير.!
تقرير الطامع في ابلاد الناس.!
شي عيالات نذبوا لفراق هذا.!
قابلوا لمرايااا أكثيرهم هبلوا.!
لفراق هذا خويا فراق االتربة أو لحباب.!
مفروض افريضة عليٌ بالضرب والسلاح
شي ألبس التشامير واتحزم
اقصد الجبال االعالية تحميه
شي كرط االراس اقصد البابور
ودع لبلاد هااااااز اسلاحو
وقراب بلوط انحاسي
شوف القهرة والجوع اش داروا.!
الكومير و السردين صار زادو
بلدان الغربة و اجبالها تحميه
سارجان شاف..كابران شاف
ما شاف ما خلى ماا يتشاف
*روحو اهنا والهيه يمكن بلا عودة لبلادو.!
شلا ناس ماتت الهليه اتدفنت مجهولة.!
لا اسمية لا رقم
--- لا ---
هوية اتعرٌف به
مات اغريب براني
في أرض....ابعيدة
مرسيليا أو بااااريز
جبال الألب العالية
فرنسا فرنسااا زرناك امحاربين
وارجنا خاب فيك ظني و أملي
ارحم الله الفدا عز الوطن كانوا
ارحم الله مول لجبال الحنصالي
*ارحم الله الفطواكي اوغيرو من ابطال.!
----------------------
بعد الحرب قالت فرنسا ابلادي
المغرب أرض اجدادي و اولادي
* قلنا لواه ما اتكون حرب التحرير قايمة.!
شي قياد مع شي قواد لعبوا فينا بامفرج.!
حرقت لقلوب غنيت اومالولو
(الله يرحم محمد افويتح)
غنيت حرقة واد زم و اخريبكة
بكيت انلالي بكية شجعبان هماا
* ياك بوست العين تمسح الدمع والآنين.!
* وانا في قفص مربوط ايدين أو رجلين!
مازال الغصة فالقلب ساكنة
و الذكرى فالبرج و اخنيفرة
شعلت نيران
في ناس
حبت اوطانها
سلت اااالشوكة ابدمها
جرة ليها ابقينا تابعين
فرنسا يا فرنسا ما نسمح ليك
هذوا امواليا هذوك اامواليك
* كلها أو احبابوا عندو معروفين فين غادي بيا خويا.؟
* غير نطعي غير نقزي الما يرجع لسواقيه.!
مازال الدور الدورة والراية فاليد مشهورة..!
(1912 راسخ بالذاكرة وقبله مؤتمر تقسيم الكعكة
مر الزمان ولا زلنا نعاني كثيرا الى حد الآن)
الأستاذ المحامي العابد عبد الرحيم :18/07/2022
ملهمتي الفقيه بن صالح ذاكرة حرب.
Aucun commentaire:
Enregistrer un commentaire